ကုမ္ပဏီ၏အစုရှယ်ယာရှင်များသည် အစည်းအဝေးတက်ရောက်ရန်အတွက် ၁၆-၁၂-၂၀၂၄ ရက်နေ့မှ ၁၉-၁၂-၂၀၂၄ ရက်နေ့အတွင်း အွန်လိုင်းမှ မှတ်ပုံတင်ခြင်း (Online Registration) ကို MICTDC Website (www.mictdc.com.mm) တွင်ရှိသော mictdc.cuatonline.click link မှတဆင့် ပြုလုပ်ရမည် ဖြစ်ပါသည်။ MICTDC အစုရှယ်ယာရှင်များ၏ မိုဘိုင်းလ်ဖုန်းသို့လည်း Online Registration ပြုလုပ်ရမည့် Link အား SMS ဖြင့် ပေးပို့မည်ဖြစ်ပါသည်။ အကြောင်းအမျိုးမျိုးကြောင့် Online Registration ပြုလုပ်ရန် အခက်အခဲ ရှိသည့် အစုရှယ်ယာရှင်များ အနေဖြင့် MICTDC Call Center ၏ Viber Phone No: ၀၉-၈၈၀၀၈၇၇၀၁၊ ၀၉-၈၈၀၀၈၇၇၀၂ သို့ အစုရှယ်ယာရှင်၏ မှတ်ပုံတင်မူရင်း၊ အစုရှယ်ယာ မှတ်ပုံတင်လက်မှတ် မူရင်းတို့ကို ရှေ့၊ နောက် ဓာတ်ပုံ ရိုက်၍ အမည်၊ မှတ်ပုံတင်အမှတ် နှင့် မိုဘိုင်းလ်ဖုန်းနံပါတ် တစ်ခုဖြင့် အစုရှယ်ယာရှင်ကိုယ်တိုင် စာရင်းပေးသွင်းရန် အကူအညီ တောင်းခံနိုင်ပါသည်။

    အစုရှယ်ယာရှင်များ၏ Online ဖြင့် အစည်းအဝေးတက်ရောက်ရန် Registration ပြုလုပ်ထားသော မိုဘိုင်းလ်ဖုန်းနံပါတ်တစ်ခုသို့သာ အစည်းအဝေးတက်ရောက်ရမည့် Zoom Meeting Link နှင့် Password အား SMS ဖြင့် ပေးပို့မည်ဖြစ်ပါသည်။

ကုမ္ပဏီ၏အစုရှယ်ယာရှင်များထံသို့ အစည်းအဝေးဖိတ်စာနှင့်အတူ အစည်းအဝေးတက်ရောက် ရန် အွန်လိုင်းမှ မှတ်ပုံတင်ခြင်း (Online Registration) အတွက် လုပ်ဆောင်ရမည့် နည်းလမ်းပုံစံတို့ကို စာတိုက် မှ တစ်ဆင့် ပေးပို့သွားမည် ဖြစ်ပါသည်။ ကုမ္ပဏီ၏ဒါရိုက်တာအဖွဲ့အစီရင်ခံစာ၊ ဘဏ္ဍာရေး ရှင်းတမ်းများ၊ ပြင်ပစာရင်းစစ် အစီရင်ခံစာ နှင့် အစည်းအဝေးဆိုင်ရာ စာရွက်စာတမ်း တို့ကို MICTDC website ဖြစ်သော www.mictdc.com.mm တွင် အစုရှယ်ယာရှင်များမှ Download လုပ်၍ ရယူနိုင် ပါသည်။ အစုရှယ်ယာရှင်များ၏ Email သို့မဟုတ် Viber သို့လည်း ပေးပို့ရန် တောင်းဆိုနိုင်ပါသည်။